எல்லாம் வல்ல இறையோன் நீயே
என் பிழை பொறுப்பாய் றகுமானே
வல்லமை கொண்டவன் உன்னை யன்றி
வணங்கிட இணையாய் வேறுண்டோ
 

                                                                          - எல்லாம் வல்ல-
 

பாவங்கள் போக்கிட தீன்மறை யளித்தாய்
பாவிகள் நாவிலும் உன்பெயருரைத்தாய்
மாண்புகள் சேர்த்திடும் நோன்பினை யளித்தாய்
மா பெரியோனே யா அல்லாஹ்
 

                                                                        - எல்லாம் வல்ல-
 

உலகினில் மாந்தர் அமைதியைக் காண
உன் மறை நபிவழி ஒளியாகும்
ஒற்றுமை கொண்டுனை துதி செய்தால்
மறுமையின் வாழ்வு நலமாகும்;
 

                                                                      - எல்லாம் வல்ல-
 

சுவனமும் நரகமும் உன் அரசாட்சி
சுழலும் உலகம் அது சாட்சி
மறுமையின் நுழைவு மண்ணறைவாசல்
மாட்சிமை கொண்ட பெரியோனே
 

                                                                   - எல்லாம் வல்ல-
 

மஹ்ஷரின் நாளதில் அதிபதி நீயே
மண்ணித்தருள்வாய் இறையோனே
அர்ஷதன் நிழலிலே அமர்ந்திட எனக்கு
அனுமதியளிப்பாய் தூயோனே
 

                                                                     - எல்லாம் வல்ல-

51