மாயம் நிறைந்த உலகை ஆளும்
நாயகன் நீயல்லவா
மானிட வாழ்வின் தேவைகளறிந்த
ஏகனும் நீயல்லவா...
-மாயம் நிறைந்த-
அர்ஷதன் நிழலை அடியார்க்கருளும்
அதிபதி நீயல்லவா
அதிபதி நீயல்லவா
ஆக்கிட அழித்திட குன்னென்றோதும்
குணமும் உனதல்லவா
குணமும் உனதல்லவா
அருளும் உனதல்லவா - எல்லாப்
புகழும் உனதல்லவா
-மாயம் நிறைந்த-
கருவினில் உருவை காத்திடச்செய்யும்
கருணை உனதல்லவா
கருணை உனதல்லவா
உருவினில் உயிரை புகுத்திடச்செய்யும்
உன்னதம் உனதல்லவா
உன்னதம் உனதல்லவா
ரஹ்மான் நீயல்லவா - அர்
ரஹீமும் நீயல்லவா
-மாயம் நிறைந்த-
சுழலும் உலகதை சுருட்டிடுமொருநாள்
சூட்சுமம் உனதல்லவா
சூட்சுமம் உனதல்லவா
சூனியமாக்கிடும் வாழ்க்கை நிலையின்
சூழ்ச்சியும் உனதல்லவா
சூழ்ச்சியும் உனதல்லவா
அஹதும் நீயல்லவா - அஸ்
ஸமதும் நீயல்லவா
-மாயம் நிறைந்த-